والله مساكين بنات الثانوية والخريجات (( عاشقة راشد الماجد ))

السلام عليكم ورحمة الله وبركاته ..

بسم الله الرحمن الرحيم

اتمنى من كل يقراء موضوعي "إبداء رأيه بصراحة"

أنا ماأبي مجاملات ولا أبي أحد يوافقني عشان يرضيني أنا أبي "الصراحه وبس"

أبي أعرف كم نسبة اللي حاسين مثل إحساسي

سؤال يطرح نفسه ..

مدارسنا وش تخرج بالظبط ..؟؟

أنا أبي اعرف وش هدفهم من بناء المدارس وتوظيف المعلمات والمعلمين ..؟؟

أبي الهدف الحقيقي ..

طبعاً كل وحده بتقولي "التعليم" والعلم بالصغر مثل النقش بالحجر

اي صغر واي حجر

تعالو معي علشان اسرد لكم المراحل وحده وحده علشان

تشوفون الاحباط الي موجود داخل انفسنا




الابتدائي


كانت بنت المدرِ سه وبنات المعلمات او المعلمين

مقدمين على كل الطالبات حتى لو كانت في الدراسه داجه ولا تفهم شي

هذا وش يزرع في نفوس البنات والاولاد

نجي للغياب لو تغيبين انتي شوفو وش يسون خصم واتصلات

على البيت واليوم الثاني بعد ضرب وستهزاء بين الطالبات

ولو تغيب بنت المعلمه ولا المديره تعالو شوفو بسم الله عليك وش فيك عيوني وما تشوفين شر

يالله قولو لي وش يزرع هذا في نفوسنا

نجي لللأنشطه المدرسية مافيه نشاط الا وبنت المديرة والا المعلمه موجوده فيه

والبنات ولا كلمه ولا نفس

واذا قالو بنت المديره ذكيه وموهوبه يكفي ان امها مديرة المدرسه

الجوائز لبنت المديره وبنت المعلمه

شهادة التفوق لبنت المديره وبنت المعلمه

الفسحه تجيها لمكانها

وش يزرع هذا قولو لي ؟





المتوسط


هذي مرحلة خاصه البنت والولد ياناس يحتاج فيها لمعاملة خاصه

..يحتاج يفهم كيف يتأقلم مع التغيرات اللي يمر فيها ..

وبكل بساطه تجيك مدرسة تقول "يامراهقات"..!! صرنا نحس أن هاللفظه "بذيئه"

وتعتبر "سبة" وهي مرحلة عمريه عاديه ..!

طبعاً الشكوك دايم تدور حولك .. لأنك "مراهقه" <<يعني مجنونه..!!

لو تطلعين لدورة المياة قالوا تدخن ..!!

لو تكونين في الفصل لحالك قلو تسرق

لو تغيبين سوو لك تحقيق طويل عريض

وغير هذا كله تشوفين التهزئ من كل معلمه حتى الفراشه

يعني الكل يطالعك بنظرات الشك واللوم والتجسس

هذا الشي وش يزرع في نفس البنت او الولد في هذا السن

هذا غير الكتب الي وزنهم 50 كيلو غرام والله حرم بنات مثل الزهور كل هذي كتب يوميه

وكل سنه طبعه عام 1428 هـ يعني بس فلوس رايحه ولا حنا مستفيدين منها شي

وهي نفس طبعة الاعوام الماضيه

هذا غير الطلابات الي من المعلمين من رسم وتشكيل وطبخ ونفخ وصحايف واعمل يدويه

هذا كله في كوم وركوب باص ارمكو بعد الخروج في كوم

>>> ماني ذاكره لكم عن ها الباص شي الكل عارف



الثانوية


لا الحق يقال المعامله تكون أرقى . اشوي .يعني تهزئك لحالك

بدل ماتهزئك عند كل البنات خخخخخخخخخخخخخ

الكل في هذي الفتره يفكر بالنسبة المئويه الي بتدخله الجامعه

بس تعالو فيه اسئله الوزارة تفكرين تمرين منها بالساهل

ههههههههههههههههههههههههههههههههههه معصي والله

من اول السنه كرررررررررررررف وحفظ ومذاكره

الين ما يجي الاختبار وتتفاجئين بذيك الاسئله الي ما عمرها مرت عليك في حياتك

واكيد في ها الحاله بتبكين على المستقبل الي على وشك الضياع

طيب تبين احد يجيك باللجنه يطبطب على راسك مافيه

تجيك معلمه وش فيك تبكين هذا اخرة لعبتك الو السنه وهذا الي ما يذاكر .....و ......و ......و

مسكينه راحت السنه والكرف الي كرفته

ويجي وقت النتيجه ناجحه الف مبروك والنسبه (( مسكينه % ))



بعد التخرج من الثانوية


يجون "الطلاب" و"الطالبات" كلهم أمل أنهم يدخلون أقسام يرغبونها

والنتيجه محسومه
:
أبوك أخوك جدك عمك خالك ....عضو من أعضاء الجامعه

ندخلك لو تبي "طب" بنسبة 70%

والطلاب والطالبات اللي ماوراهم "ظهر" لو كان شاد حيله طول السنه

وطالعه روحه من الحفظ في الكتب السقيمه مايدخل القسم اللي يبيه لأنه ماعنده أحد يسنده ...

ونسبته ماتكفي

ويمكن العدد اللي بعد الفاصله يحدد مستقبله ..!!

وطبعاً مايحتاج أزيد على اللي قلته أتوقع مافيه وحده ماتعرف "عدالة جامعاتنا".


النتيجة

كم هائل من الشباب المحبط نفسياً

لايستطيع حتى المناقشه

لايستطيع إبداء وإثبات وجهة نظره

لايستطيع التمييز بين الصواب والخطأ

لايستطيع الدفاع عن أبسط حقوقه

والبعض منهم ينحرف في محاولة لتفريغ "الكبت" وأكيد المدرسه

مو هي العامل الوحيد بس ماننكر أنها العامل الرئيسي

16سنة مو بسيطة

بس عشان مانظلمهم يعطونا شهادة في نهاية كل مرحله عشان

نصور معها لأن حتى وظايف مافيه ..!!!


ارجو تقبل هذا بصدر رحب مني انا

(( عاشقة راشد الماجد ))

واتمنى من الجميع اخراج مافي نفسه ولو بأقل القليل

بأنتظار ردودكم[/font]

آلله عليك ياعاشقة آلماجد ,,
[ فقط المشتركين فى المنتدى يمكنهم رؤية الرابط . اضعط هنا للتسجيل ... ]

بصرآحه موضوعك بالصميم ..
وكل ماذكرتيه صحيح وواقعي بالفعل
ولكنـ مانبي نظلم آلكل ونقول هناك البعض
وصار موقف قدام عيني من كم اسبووـوع عندنا بالكليه ,,
في بنات رفعو تظلم على نتايجهم يحتجوون
بالاول رفضو شكوتهم ,, محد عطاهم وجه وهم عارفين أنهم ناجحين البنات
بعدين جت بنت فلاااااان شخصيه مهمه وابوها شخصيه قالت بكل وقاحه للأستاذهـ انتي ليش مرسبتني في المادهـ
آنا بنت فلان قالت الأستاذهـ يؤؤؤؤؤ والله ما أدري وآسفه وحقك علي آلحين آعدل لك الدرجه ..
والبنات الباقين راحت عليهم لان ابوهم ماهو شخصيه مهمه ..
بصرآحه انا شايفه ظلم كثيرـر للبنات والسبب ماهم بنات شخصيات مهمه في المجتمع
ولكن منهو المسؤال عن ذالك لا نعلم !!!!!
ومع ذالك عندما تتخرج الطالبه أو الطالب ساعتها آي مكان بيقدم فيه على وظيفه
أول سؤال يسالونه عن فيتامين (( و ))
من المعروف بالطب ان الفيتامينات تغذي وتقوي الشخص
ولكن بمصطلح التعليم والحياة الاجتماعية الفيتامين يختلف تماما
لانه يحطم الحياهـ ويدهورهآ
فكم من طالب وطالبه أنتظرو لحظة تخرجهم من أجل رفع كاهل العيش عن والديهم ؟؟
فكم من طالب وطالبه حلمو ببمارسة مهنهم التي طالما حلمو بها لحظة تخرجهم ؟؟؟
فكم فكم فكم ؟؟؟؟
موضوع لو تعمقنا به لحتجناااااااا آلي مجلدات ..

[ فقط المشتركين فى المنتدى يمكنهم رؤية الرابط . اضعط هنا للتسجيل ... ]

شاكرهـ لكي عزيزتي هذا لطرح الأكثر من رآئع
تقبلي مروري وآبداء رايي ::

][®][^][®][روحي تحبكـ][®][^][®][

اشكرك كل الشكر حبيبتي وغاليتي

(( روحي تحبك ))

على ردك الجميل والاكثر من رائع

وابداء رئيك فيه بكل صراحه والاجمل انكي ذكرتي

قصه كانت حاصله لك

من الواقع المر

وانتي ذكرتي الصميم بأم عينه (( وهو الواسطه ))

من منا يكره الواسطه ومن منا لا يكرهها ؟

انا لا اجد اجابه الأن

لانه هذا هو موضوعي القادم ان شاء الله

(( ترقبوه بعد الاختبارات ))

اشكرك كل الشكر عزيزتي

دخولك منزلي وابداء رئيك في ضيافتي

وتقبلي مني اجمل تحيه وتقدير

وبأنتظار ردود الجميع

يعطيك العاافيه اختي عاشقه راشد الماجد والله مووضوعك جداً جميل و ملمووس بوقتنا الحاظر كلها كم شهر و كثير بنات

وشباب بتمر عليهم هاذي الحاااله طبعاً نتمني لهم التوفيق ونجاااح وانهم يختاروون الاقاسام الي يحبونها

ونا بصراحا رايي هي الوااسطه تلعب دووور كبير با الموضوع

ون شاءالله التوفيق للجميع بعد التخرج


تحياتي لك عاشقه ونترقب جديدك

نسيناكم

الله يعطيك العافيهـ يا أختي عاشقهـ

والله انكـ صادق في كلامكـ ..

وان هالدنيا ماينفع فيها الا الواسطات

وموضوعكـ جميل جداًَ

تحياتي وتقديري لـكـ

أخوك ..

ــــــــمــــلــك الأحـــزااان

اااخ ياقلبي انا
ضربتي على الوتر الحساس

شوفي طال عمرك حبيبتي كل كلامك صحيح انا مثلا من 5 سنين تقريبااا متخرجه من الثانوي ودخلت الجامعه مده سنتين وتخصص مااحبها ابدا تاريخ درست فيه انتساب غصبن عني مارضوو يدخلوني لا انجلش وماعندنا قسم علم نفس

قلت ادخل زي صديقاتي تاريخ نجرب الحظ والله انهم حراميه كل شهر يقولون جيبوو500 عشان الكتب
طيب وبعدها والله يابنات نادراا تشوفين السوال من الكتاب
اخرتها قلت ابطلع انقذ روحي قبل لااموت من القهر واهلي كانو بالبدايه رافضين اني اتوظف بالبنك النساائي وبعدين حاولت اقنعهم انه نسائي ياعالم مافيه اختلاط ولما وافقووو شوفو الحظ لازم القى واسطه بالله ياعالم انا وين اجيب واسطه
واسطتي رب العالمين وبس
اللهم فرج همي وارزقني بالوظيفه الزينه انا وكل المتعطلين والمحتاجين


شكراا على الموضوع

يعطيك العاافيه اختي عاشقه راشد الماجد والله مووضوعك جداً جميل و ملمووس بوقتنا الحاظر كلها كم شهر و كثير بنات

وشباب بتمر عليهم هاذي الحاااله طبعاً نتمني لهم التوفيق ونجاااح وانهم يختاروون الاقاسام الي يحبونها