نمله جاها فشل كلوي
واحد شرا له سكانر (ماسح ضوئي) واول ماشراه كان فرحان أي ورقه يلقاها يدخلها بالسكانر وبينما هو كذلك ويلقى نمله قاعده تمشى بالغرفه الظاهر انها مسويه (SHOPPING ) تسوق وياخذها ويحطها بالسكانر ويكبر صورتها (1600 ) اكبر حجم ويلقى بالجهه اليمنى الكلوه رايحه فيها ويطلع بالحوش مسرع ويجيب نمله ثانيه ويدخلها بالسكانر ويدخل على برنامج اسمه تحدث ويقول لها: ممكن تتبرعين بكلوتك لمريضه في حالة خطره قالت: الله يرجك000 انارايحه للمستشفى عشان اسوي غسيل كلى قال: الحين عندي مشكلتين ويطلع للحوش مره ثانيه بس هالمره معه عدسه ولقى له نمله لحالها وياخذها ويحطها بالجهاز ودخلها ببرنامج ويدخلها ببرنامج التحدث ويقول لها : لو سمحتي ممكن سؤال؟
قالت:امر
قال:ليش جالسه لحالك؟
قالت:لاني فقيره ودايم اشحدمن النمل لين طفشوا مني وطردوني من القريه
قال:وش رايك اعطيكي خيشة سكر
قالت:تكفى
قال:بشرط
قالت:وشو
قال:تتبرعين بوحده من كلاويس لنمله عندي
قالتO.K اتفقنا
وهو يفتح بطنها ويسوي لكليتها قص ونسخ منها ثنتين ويعطي وحده للنمله القديمه ووحده للنمله الثانيه وطلعوا من عنده مستانسين ويوم جاء الليل وهو يروح يسوي شاهي بس مالقا سكر ويروح للنمله ويقول لها:بالله عطيني سكر
قالت:اقول ورا ماتسوقها وتذلف
قال:تكفين مافي قلبك رحمه
قالت:بشرط
قال:امري
قالت:اليوم بيجوني نمل من بيت جيرانكم ودي اقلطهم عندك بالبيت
قال:مافيه مشكله
قالت:خلاص خذ ملعقتين ولاتكثر تراني اشوفك
وفي اليوم الثاني جو نمل من بيت جيرانهم والنمله تناديني وتقول تراني مسويه تمايم اليوم رح لاقرب مطعم وجب لنا مفطحين علشان جاني ولد 000 وانا اروح للمطعم واجيب لهم مفطحين وكل شوي تناديني جب قهوه جب شاهي وانا رايح جاي يوم انتهت العزيمه ووحده من النمل (الضيوف) تقول: بكره السهره عندي وقالت النمله اللي عندي:على القوه
وفي اليوم الثاني راحت نملتي عند جيراني معزومه على الغداءوشوي والا القى عنكبوت وانا اقوله :ورع
قال العنكبوت:نعم وش تبي شكلك تدور المشاكل
قال:اسف بس ممكن طلب
قال العنكبوت:قل ولايكثر هرجك
قال:انا سالفتي كذا وكذا ابيك تاكل النمله
قال العنكبوت:بشرط ابغى حمام الرجال (((وانتم بكرامه))) لمدة اسبوع
قال:خلاص0000 وتجي النمله ماليه بطنها وتقول: الحين راح اقيل وبعد ماقوم شف لي الحمام ابي اخذ شور
قال امري بس وانا انفذ
واغمز للعنكبوت
وفي هذه الاثناء راح العنكبوت لربعه وقال: انا اليوم عازمكم على صيده وهم يندسون ورى باب الحمام .
والنمله اول ماقامت من النوم راحت تبي تاخذ شور على قولتها وهم يهجمون هجمة رجل واحد وياكلونها وفي اليوم التالي مع الصبح سمع الولد صوت قرقعه بالحمام ويوم دخل شاف العنكبوت وخوياه يلعبون بالوت قال لازم اتخلص منهم وادخل عليهم وقال العنكبوت: خير يالحبيب قلت : حبيت افتح الدريشه قال العنكبوت:لا عاجبتنا الريحه قال: على شان خاطري قال العنكبوت:خلاص ولاعاد اشوف رقعة وجهك وهو يقرب من الدريشه كنه بيفتحها وهو يسحب السيفون والعنكبوت يقول: غدرت فيني هذي اخرتها00
وهو يروح للسكانر وهو يكسره لانه هو السبب وبعدها عاش حياة سعيده00000
01-21-2008, 11:30 PM
المواضيع المتشابهه للموضوع: نمله جاها فشل كلوي...
