روايـــه الفتاة السعوديــــــــه...و friends الجزء (1)

بسم الله الرحمن الرحيم,,,,
أحبائي اعضاء اسوار,,,,
هذي رواية في غاية الروعة,,,
تعبر عن معنى الصداقة الحقيقية في حياة الانسان,,,
والرواية عبارة عن بنات وسوالفهم وحلوووة واتمنى من كل البنات وحتى الشباب يقروها ويعبروا عن رأيهم فيها,,,,
وترها عبارة عن اجزاء لكن راح انزلها كاملة ,,,,
روايتي,,وصديقاتي,,,

بسم الله الرحمن الرحيم...

الصلاة والسلام على أشرف الانبياء والمرسلين.....

في مثل ظل هذه الظروف ...حيث الحروب والمنازعات وآلاف القتلى واليتامى والمحتاجين .....في حالة قرب العالم منها للإنهيار والسقوط....والذهاب الى اللا عودة الى يوم نحاسب فيه جميعا على كل كبيرة وصغيرة...الى يوم ينتقم المظلوم من الظالم...الى يوم نعيش فيه حياة ابدية ....اما الجنة واما الجحيم والعياذ بالله....
نعم في مثل ظل هذه الظروف وياكثر هالظروف اللي ماتنعد ....
يجي اربع بنات يغيروا من طعم العالم يحلوا الحياة وروايتنا تتكلم عن هالبنات وماراح اطول عليكم والرواية ضحك ووناسة وفيها مواقف راح تتفاجؤن منها كثير صدقوني كثير كثير ويمكن تبكون...ايه تبكون رغم الوناسة والضحك.....

المدينة:الرياض

الجزء 1


راح نبدأ مع ابتهال اللي انولدت في عائلة الله منعم عليهم كثير يعني البنت بطرااانة وشبعانة ماشاء الله <<<شي كووول ؟؟؟وشخصية هالبنت فوووق كل شي متواضعة جدا يعني مو مبين عليها ابدا انها مريشة<<<بس بس لاتجيها عين هع هع هع..
المهم يدلعونها البنات ابتهالوووه<<<امحق دلع...وهي عنيدة شوي لكن طيبة بدرجة ماتتصورونها وهااادية وكريمة بعد <<<<وش تبون اكثر من كذه.....المهم ابتهالوه عندها اختين وحدة بأول متوسط والثانية بالابتدائي...وعندها اخو لكن صغيرووون حده يقول <<اده>>>وابوها كثير السفرات وامها مدرسة وووووووووووخلصنا من ابتهالوووه....لحظة لحظة نسيت شي انها تحب اللون البرتقالي....وساكنة ببيت ملك...بلا تأجير سنوي بلا اقساط وخرابيط....
المهم نجي للبنت الشقية<<<<حتى شقية صغيرة عليها....بنت طبعها جنووون وطايحة استهبال قوي قوي وهذي عاد عايلتها متوسطة الدخل مايعيبهم شي الحمدلله .....ايييييييييييييه اسمها بغيت انساه<<<<وهل يخفى القمر؟
اسمها يالربع امل...<<<<لكن مافي امل تقعد عاقلة!!!!!...المهم امولة <<<<<<مو ضابطة ابدا
عندها 3 اخوان كبار معقدينها واعمارهم فوق ال18 يعني قاعدين في نحرها ...سوي كذه وحطي كذه ولاتلبسين كذه والغطا وين والنقاب ارفعيه وحاااالة...لكن ابوها مسيكين يدافع عنها بحالات...وعندها اخت هم بعد بالابتدائي وامل تكرررررررررره شي اسمه شباااااااب يعني تنتحر ولا تحب واحد...واتوقع ماخلت احد من الشباب الا طلعت فيه مية عيب....لاتلوموها من اخوانها اللي عندها....وامل مع الاسف الشديد امها مريضة بمرض الله يكفينا شره...السكر(يعني مرض السكري)وعمرها تقريبا 45 سنة وياعمري عليها تقاوم المرض بكل قوتها وهي مؤمنة بالله وملتزمة....وامل بنتها يوميا تبكي في كل ليلة وتدعي لأمها ...ولاتستغربون من جنون امل فكل حرتها تطلعها مع خوياتها ومسكينة امل فوووووق هذا كله فلة ومرحة....وامولة تحب تنقد الناس وحليوة بطبعها وخشنة شوي....وضحكها يوصل لسابع جااار..والعائلة كلها ساكنة بشقة بأحد الاحياء في النسيم....
يلا عاد نجي عند حنان اللي زي العسل فرفوشة ونكوتية واهلها دخلهم متوسط يعني عادي مايحتاجون شي والحمدلله وابوها متزوج اربع ماشاء الله <<<<الظاهر لو الخامسة حلال كان اخذها...
وحنان ماعندها اخوان من امها بس اربع بنات وكلهم كبار اللي بالمتوسط واللي بالثانوي وحنان عندها اخت بالجامعة معها اكبر منها في رابع جامعة وعند حنان اخوان من الاب ثلاث او اربع اخوان وكلهم صغار بالابتدائية بس الرابعة ماجابت شي<<<<<توها الاخت معرسة....
حنان تحب السواليف كثيييييييييييييييير ونكوتية ومجتهدة ماشاء الله عليها.....وتمووووووت بشي اسمه عواطف وحب واشعار وخرابيط وحساسة <<<<<لو شوكة انغزتها قامت تصيح...
المهم حنان يدلعونها حنونة بالشدة على النون <<<<انطقوها زين لاتوهقوني....
وحنونة ساكنة بحي الروضة في بيت ايجار مع الحرمة الثانية <<<<والثالثة والرابعة مع بعض.....واذا فيه خامسة وسادسة هم بعد مع بعض<<<<<<<لايكثر بس....لكنهم ساكنين بحي الروضة
المهم خلصنا من حنانوه ماعاد بقى شي تعرفونه.....
نجي عند بنت في العالم ماراح تلقون زيها في طيبتها وحنانها وحلها للمشاكل بطريقة بسيطة غير هالبنت اللي اسمها مرام....ايه مرام صح انها الوحيدة اللي يقدر الواحد يفضفضلها عن كل اللي بخاطره وتحل له المشاكل لكن هي تبي احد تفضفضله عن مشاكلها هي لأنها عايشة بألم ماظنتي بتنساه حتى بعد وفاتها....
مرام عائلتها دخلهم في حالة يرثى لها ...عايشين على راتب التقاعد حق ابوهم وفلوس اخوهم اللي يجيبها من شغله بأحد المكاتب قهوجي.....مرام عندها 5بنات اصغر منها واخت متزوجة اكبر منها اسمها هديل واخ واحد هو اللي يشتغل واسمه عادل وابوها مع الاسف مو حاسس بعياله والهم اللي هم فيه .ابوها ملتهي بلعب القمار والخمور والعياذ بالله يعني مايصفالهم من الراتب غير 200 ريال بس...ايه ميتين يالحبايب ايش تكفي وايش توفي هذا غير الفواتير والايجار الشهري وحتى اختهم المتزوجة بمجرد ماتزوجت طلعت من الحالة اللي هي فيها وانتقلت تعيش مع زوجها بالكويت بما ان شغله هناك....لكنها تكلم اهلها يوميا واحيانا اذا قدرت ترسلهم فلوس...وابوهم طايح بالاستراحات من اول الليل لين يطلع الصبح ويرجع بيته عشان ينام...وامهم مسكينة ياما وياما تبهدلت.....ومرام ساكنة بعد بحي الروضة قريب من حنان واحيانا مرام تزور خويتها حنان...ولا تقولون ليش حنان ماتزور مرام....لأن مرام دايم تتعذر لحنان انها تجي بيتها عشان ماتشوفه وتشوف الحالة......ومرام تحاول تخبي فقرها وعلل ابوها عشان مايتخلوا عنها صديقاتها اللي هم الوحيدين اللي اقرب لها بالدنيا.......نجي لشخصية مرام انطوائية بين البنات لكن مع صديقاتها عادي....ومرام فنانة بالرسم بشكل مو طبيعي <<<يعني قولوا مرام ارسمينا ترسمكم انتم....مو مثل الهبلة امل تقلها ارسمي تفاحة تسويلك موزة....
ومرام مو من النوع اللي يظهر مواهبه او يحب الشهرة او لفت الانتباه ...هي اصلا حالها حال نفسها....

بعد ماانتهينا من البنات امل وحنان وابتهال ومرام...ابجي اقولكم ان امل ومرام اصحاااااااااب من ايام الابتدائية من اول مادخلوا المدرسة وكانوا متعلقين بعبايات امهم ويسحبونها الى ماصاروا ماشاء الله حريم....والمسكينة مرام دايم تقول لأمل مشاكلها وامل دايم تهديها وتشيل عنها همومها بالضحك والوناسة ووقتها تنسى مرام كل شي وترجع تضحك مع خويتها....يعني امولة تعرف كل شي عن مرام لكن مرام حلفت امل انها ماتقول لأحد أي شي عن مرام....وامل ماعندها مانع....
المهم من يوم مادخلت امل المدرسة من اولى ابتدائي وهي ياشعرها منكوش ويا القبة ضايعة ولا حزام المريول مقطوع وحوسة ....لدرجة ان امل كانت تلعب بالمدرسة ونقز شعرها وشافتها مرام وقعدت امل تنادي مرام....مراااااااااااام مرااااااااااام تعالي تعالي شوفي الخنفس ذا ياحليله....لا لا ماابي اجي.....اقول تعالي ترى اضربك....تيب تيب بجي...ومرام متخرعة من ذيك الكشة الناقزة....وبعد من التضحيات مرة كانوا البنتين بسادس ابتدائي وامل جاييلها مغص مو طبيعي<<<البقرة ماكله ليلتها توست معفن....المهم المعلمات يعيون على امل تطلع الحمام لأنها مصختها كل شوي ابي الحمام...وفجأة جات المعلمة اللي امل تكرهها وكذلك المعلمة تكره امل....تدور عليها <<<<المحقق كونان يسعى دائما لايخ.......
ودخلت المراقبة الفصل تنادي...اااااااااااااامل يا ااااااااااامل وين اااااااااااااامل خاااالد وينهاااا...الفصل كله ساكت خايفين...راحت مرام خويتها اللي بجمبها قالت امل استأذنت وهي قاعدة في الحمام تعاصر المحنة اللي جاتها....والمعلمة قالت اكييييييد قالت مراااام اكييييييد يااستاذة توها استاذنت..وبعدها راحت المعلمة وقامت مرااام ركض لغرفة المراقبة تقولها السالفة....المراقبة تفهمت الموضوع لكن.........نقصت امل ومرام على درجتين من السلوك<<<<كنت ابيك عون لقيتك فرعون...والسبب أن مرام كذبت على المعلمة وامل مااستأذنت من احد...المهم بعد ماخلصت راحت مرام الفصل ولقت امل تسولف لصديقاتها عن المغامرة اللي بالحمام وجات مرام وعيونها مدمعة......وشفيك مراااام والله فاتك وش سويت...يعني مستانسة من اللي سويتيه؟؟؟,,,,,,ليه وش صار يالغالية...؟؟,,,,,,نقصت درجتين و.......وبعدها انفجرت مرام بالبكا...<<<<<ياحبي للحساسين...
وامل عاد مافهمت السالفة اللي بعد ماجفت دموع مرام....


اذا شفت تفاعلكم .. بنزل الجزء (2) .. !!

يلا تشاو

يعطيكـ العافيهـ حبيبتيـ على ـآ القصــــة الجناااااااانـ

ننتظـــــــــــــــر الجزء الثانيـ على ـآ احـــر منـ الجمر

تحياتيـ

سحـــــــــــر

^_^

يسلمو حبيبتي .. (( سحوره ))

انشاء الله انزله لكم ...

بعد ما اشوف التفاعل ...

ومشكور خيو ... دحومي ..

على الرد والمرور ..