البارحهـ يوم الخلايق نياما

البـــارحه يوم الخلايق نياما
بيحت من كــثـ ـر البــكى كل مكنون



ابي تتخيلين معاي لو ركبتي مع السواق..ولقيتيه ماشي بطريق مو اللي تعرفينه..ايش اول شي يخطر على بالك..عارفه وش بتسوين؟؟..عارفه بكل الاحتمالات ايش الحلول؟؟

الله يحفظنا جميعاً..ويستر علينا..

قبل اسبوع ضيعت الطريق ومع اني انا اللي ضيعت لكن لقيت نفسي في بر الا شوي
خفت..مسكت جوالي..والحمدلله طلعت من المنطقه..لكني قعدت افكر انا كنت مع سواق..
من هذا السواق؟..وش يخليني اضمن انه ماراح يسوي شي..ماكان عندي ضمان الا التوكل على الله

وهذا هو الموضوع ..

ايش ممكن تسوين لو خفتي او حسيتي بشي مو طبيعي مع السواق

اولاً : لا لا لا تطلعين بدون ماتقرين المعوذات وعودي اولادك واخوانك عليها

ثانياً: امسكي الجوال وكلمي اهم شخص عندك لا تستحين وتقولين لااا انا موسوسه لا ..واول شي تقولينه قولي انا في المكان الفلاني ..للأحتياط لا قدر الله

ثالثاً : لا تبينين انك خايفه ابداً..ابداً

رابعاً : اذا حسيتي انك عند مكان "مقطعه" وقفي عند اول تجمع ناس ولا تكملين لا تقعدين تقولين لااا الحين بنطلع على المكان او الشارع اللي ابي وانا اقصد بالتجمع هو مكان عام مثل مطعم..محطه بنزين مليانه..مو شلة شباب شكلهم شبهه توقفين عندهم

خامساً : شوفي لك شي تعتبرينه اداة للدفاع عن النفس في شنطتك ولو كانت سخيفه..مفتاح..عطر..اي شي حاد

سادسا : تأكدي "من غير شر" ان كل هالنقاط اللي ذكرت فوق كانت فرصه لا تنتظرين انك تتأكدين ان نوايه شريره..خلك نبيهه

سابعا : اذا تأكدت بنيته وعرفتي انه ناوي على شر " لا قدر الله" دائماً اهم فرصه هي بالأول فأقعدي صاااااارخي وخلك عنيفه بقد ماتقدرين
مره شفت بنت في اوبرا حاول شخص يختطفها عن شارع عام لاكنها فلتت منه رغم انها صغيره فلما سألتها اوبرا كيف قدرتي قالت: ان والدي علمني ان فرصتك الكبيره في الاول اصرخي وحاولي تفلتين منه

ثامناً : نصيحة جدتي داايم لنا في هذا الموضوع دايم تقول اذا حسيت ان سواق راح لطريق ثاني امسكي الطرحه ولفيها عليه ..لوول صح اني احيانا اقول طيب بنصدم؟؟ بس الحادث ولا شي ثاني ..ونصحيه ثانيه برضو من حبيبتي جدتي تقول اذا خلاص وعرفتي نيته الحيوانيه "انفصي عيونه" والله انه حل الله لاااا يحوجنا له يارب وجميع المسلمين




النقطه الثانيه واللي كثير يتعرضون لها ولكن مايحكون وهي
التحرش بالأسواق خاصه

كثير اسمع فيها..صديقتي تقولي يمكن قبل اسبوعين كانوا في سوق كبير تقول كان في شاب شكله مرتب ويطاااالع وتقول مااهتميت مره لأني كنت عند السياره وبركب خلاص وكان في بنتين يمشون عادي ..تقول وانا اركب عيال اختي وشوي الا اسمع صراااااخ البنت ولااادري وش القصه تقول قلتلها وش فيك؟؟؟ قالت هذاك الولد لمسني....."طبعا بطريقة ما"......وتقول والتفت على الولد اشوفه يركض وكل الناس اللي كانت واقفه تدري ولااحد حرك ساكن....

والله اني شفت واحد يحاول يسرق وحده وزحمممممه ولااحد تحرك

يعني انتي انتبهي لنفسك..

المهم في هذي الحاله..او كنت بالطريق..او مكان تمشين فيه عموما:

اولا : انتبهي اذا حولك احد شكله مريب..لا تلهين مره..

ثانياً : حسيتي في احد شكله مريب طلعي جوالك..كلمي..روحي لمكان زحمه لا تروحين لمكان خالي ابد اقرب تجمع او محل كبير ادخلي له

ثالثاً : بدا بلحقك لا تسكتين اذا كنتي بسوق روحي لأقرب سكيورتي وقوليله


اخر نقطه والأهم..عيالنا..
ياناس احنا نربي ونعلم ونفهم..بس قليل الناس اللي تنبه عيالها على هالشي والمشكله والله اني اسمعه كثير
واحد الله يحفظه اخو صديقتي يمكن عمره 10 سنوات تقول امه انه راح لمدرسة جديدة وبعد يومين جاها يقول ماما في ولد مرررره يحبني وتقول فرحت له مبسوط وكل يوم سوالف وتقول وعرفت ان الولد في ثالث متوسط وتقول في مره جاني الولد ينتفض من غرفته ماسك جواله يصارخ ماما جاني مسج يخوف ..المسج قلة اددددددب ومن نفس الولد....
اول شي الولد تحطم عرف ان هذاك يحبه لسبب حقير..
ثاني شي كويس من الأم انها محرصه ولدها على هالأشياء
ثالث شي لو لا قدر الله حصل لولد او اخوك هذا الشي وماعرفتوا عن المسج..معلمين اولادكم ايش يسوون في هذي الحاله؟؟؟؟

اولا : اذا عندك ولد لو بنت تدخلوهم كارتيه..لا تقولون ماراح يستفيدون اهم شي الثقه انه قادر يدافع عن نفسه ..احساسه انه متدرب وعارف هذا الشي بيعطيه ثقه

ثانياً : دائماً فهموهم ان في فئات قليله من المجتمع هذي غايتها وعلموهم ايش يسوون..واذا حسوا بشخص معين ان تصرفاته غريبه على طوووول يعلمونكم ..

ثالثا : دائم نسمع ان بداية الأختطاف "حبيبي..تبي حلاوة؟؟تبي اوديك البقاله؟؟"
فهموهم انهم ممكن يجون بأشكال طيبه وحبوبه

رابعاً: معلومة ..اغلب الجنس الثالث حاليا تعرض في طفولته لتحرش جنسي..خذوا بالأسباب

خامساً : نفس الخطوات اللي فوق بالنسه للبالغين في حالة لا قدر الله حسوا بشي غريب


اخيراً..الله يحفظنا جميعاً..ويحمينا من شر..دائماً ادعوا..وعلموا اولادكم هذي الأدعيه..يارب اكون افدتكم

يعطيكـ مليار عافيهـ

وللمعلومهـ انا ألعب كون فو

احم احم وانا انصح ما يحتاج

كارتيه مو مهم بس كون فو احسن

BesT Wishis

JeSSe

تسلم دحووووووومي لاخلا ولا عدم

ثااااااااااااانكس

تحيااااااااااااااتي

يسلمو دحوووومي
وااإن شاء اللهـ
ما ننحرم منكــ من جديدكــ ....،))

مشكور على النصائح
يعطيك الف عافيه

يعطيك العافية

أسلوب مناسب..
بالتعامل مع هالاشكال



تحاياي

مسكول